حبايب قلبي سيدات مصر
دايما في كل محنة بيظهر الأصيل من الخسيس
بيظهر الشرفاء وبيظهر العملاء والخونة
بمعنى آخر كل واحد بيبان على أصله
في ناس كتيييييييييييير اوي وقفت في صف مصر وأثبتت حبها لمصر وأرض وتراب مصر
وناس تانية كتير برضه كنا بنثق في حبهم لمصر ولكنهم للأسف الشديد
بيحبوا نفسهم وبس
ومن أبرز الناس دي الفنانين اللي واكلين 4/3 فلوس البلد
فظهر منهم أيضا الشرفاء وظهر منهم العملاء والخونة
فعلى سبيل المثال
استقل الفنان عمرو دياب وأسرته طائرة خاصة مغادرا أرض الوطن الحبيب
اللي ياما فلق دماغنا بأغانيه للوطن
ولكنه انسحب من الميدان فور اضطراب الشارع المصري
وبالمثل أيضا الفنانة نيللي كريم
والفنانة بشرى
هربوا من ساحة الميدان
وأحب أن اوجه كلمة لكل مسئول مصري بخصوص هذا الموضوع
من يتبرأ من مصر في وقت المحنة لا يستحق أن يكون مصري
وفي المقابل شاهدنا كثير من الفنانين انضموا للجان الشعبية في الشوارع
ليحموا أرض مصر - أرضهم
ومنهم الفنان القدير أحمد السقا
والفنان رامز جلال ومحمد ثروت وطلعت زكريا والفنان حمادة هلال الذي بادر بأغنية غير مدفوعة الأجر في حب مصر ولتهدئة الأجواء
وعلى رأسهم الفنانة زينة التي خرجت في مظاهرة تناشد فيها الناس بعدم التخريب
واللي يحب مصر ميخربش مصر
فتحية للشرفاء وفي ستين داهية العملاء
عفوا على التجاوز ولكنهم لا يستحقون مصريتهم
ولا يستحقون ذرة واحدة من تراب مصر
بل لا يستحقون جنسيتهم
فليتنازلوا عنها طواعية
Read more In Mega fm Read health news health big social network social network ميجا اف ام هيتس اف ام ستار اكاديمي 8 star academy 8
No comments:
Post a Comment