اليوم
خرجت جنازة رجل من أعظم رجال مصر .. سعد الدين الشاذلي
وتخرج معها جنازة كلب محروق بجاز وسخ .. كلب أبى أن يرحل حتى يُخلع
اليوم
منذ سنتين فتحت هذه المدونة لأسطر أحرف بسيطة حرقة على غزة وأهلها
ولم أكن أتخيل أن بعدها بسنتين سأهنأكم بولادة مصر الجديدة
اليوم
نفرح ونزغرد ونبكي ونخرج حرقة القلب كلها على شهداء الوطن
ندعو على الظالم وعونه ونظامه المخلوع ونائبه اللي مش عارف الله الموَفَق من الموِفِق
اليوم
نكررها عبرة لأبناءنا - إنت مصري إنت تقدر إنت مصري إنت أيقونة حية للدنيا كلها
نفرد الضهر ونشد العود ونشيل الحزن الجاسم على الصدور
اليوم
نعرف إن مبارك لم يرحل .. نوقن بها
مبارك شعبه خلعه .. تفرق كتير
غدا
يوم جديد
يوم بناء
نظام ديموقراطي
عدالة إجتماعية
مساوة في الحقوق والواجبات
دستور جديد بدل المهلهل
رئيس جديد حتى لو حب يظلم عارف شعبه مين
إسترداد مالنا المنهوب
مقعدنا في الأمم المتحدة
مساعدة لكل عربي عاوز ينسى وجه زعيم مزمن
غدا أذهب لعملي واحدة تانية خالص
ها أقف في المعمل
ها أعمل علم نافع تاني
مفيش خوف إني أشتغل سنين وتيجي واحدة لمجرد إنها هشكة ومتدلعة تبقى مستشار رئيس الجامعة
وواحد حلنجي وبؤ وكادر حزبي يكون عضو مزور في نادي أعضاء هيئة التدريس
بشرب شربات
تعالوا إشربوا معايا
Read more In Mega fm Read health news health big social network social network ميجا اف ام هيتس اف ام ستار اكاديمي 8 star academy 8
No comments:
Post a Comment